«Grande Carnevale» mit Räffu 1.

Die Altstadt-Zunft hat ihren neuen Obernaaren, Räffu 1. Raphael Schenker alias Räffu 1. an der 48. ordentlichen FUKO-Delegiertenversammlung mit seinen 14 Trabanten präsentiert.

Liebe Marion,
Hochwohllöblicher Fukorat,
Liebe Fukopräsidänt
Hochwohllöbliche Fasnachtszunft Olte,
Gschätzi Zunftmeister, Klikkechef, Seckelmeister
und alli andere Gäst

Ned nur der Obemaar / nei ou de Jubilar
Stoht bi eus im Aktivitäte Inventar
Gits d’Altstadtzunft scho sit 50ig Johr
Bestandteil vor Fansnacht Oute / jo dasch wohr

Noch Altstättischer Naare Wahl,
Für eus / dasch klar / e grossi Qual
Zur Uswahl / e grosse Zünfter Pool
Doch glängt hets halt nur für Eine / für me natürli cool

Aber ou mer hend de Grippen /
trotzt der Wahl / ned becho …

Ben eg am Morge druuf erwacht,
Mi Familie scho bim Znacht
Jo, erst do hanis afo gloube
Ha gmerkt / was für en Ehr /- für Dich – für Mich und für eus Alli
Der Afüerer d’sii / bi däm riese Halligalli

S ‚vertroue / wo mir die Zunft het gschänkt,
Das hani denn ou glii dänkt
s ‚Privatläbe / für üch liebi Zunftkollege / grad a Nagel ghänkt

Schliesslich isch das Amt / besser als das vom Wey
Do bi eus macht niemer e sones riese Budget Gschrei
Und wenn mer s ‚Budgetüberrisse
Cha di nur di Frou dehei zäme schiise …..

Jo d’Organisation / die isch am loufe
Hamer sogar müesse en Ordner choufe
Trotzt Projektli do und döt
Mi Truppe die chunnt nid i d’Nöt

Der Rolf der Dritt isch biimer gsii
Het gseit / was ghört do alls derbii
E Vorlag het är üs scho gä
Dorom düend mir üs / sehr vil müe nä

Protagonischte, liet nöch zur Hand
Ohni Trabante verseisch / am laufende Band:
Eine / das isch für me keine,
Zwee / wäre jo scho chli mee,
Drüü / das het doch scho jede gsee

Nei der Räffu Schänker intensiv
het grad 14 Trabante exclusiv
20ir im Ganze i dr Klikke / das chamme schicke
Sötti das nid länge / gits no die alti Garde
Wo mit üs düend durestarte

Jetze fählt nur no d‘ Larve ume Grind
Das sägi nech jetzt ou ganz gschwind

Nei / a Titte chöit der eus im l5ni nid länge
Mer wöi das Johr nüüt durezwänge
Doch d’Farbe löi mer no chli offe
Pink chonnt halt scho wie us der Kanone gschosse

Do bini für euch kei Garant,
viellicht gits Details / Pink / das liet jo nöch zur Hand

Aber was isch üses Motto GRANDE CARNEV ALE
Für d’Fasnacht Oute / wie en Sächser im Lotto

Mer freue üs / im Kostüm go z‘ Tanze
Hoffe nur / ou Tannzapfe hend es rächts Kleid ume Ranze
Süsch sölle si sech bi üsem Brockemeister mälde go
Mer chöi ne vellecht alti Kostüm us üsem Fundus überlo

E loh jetzt die letschte Frogezeiche stoh.
Schliesslech lömmer erst am Narrestopf log oh

Zum Schluss gits für euch es Gschänk … Magazin bim ässe blabla

Doch zerscht, mer hei no bitzli schnuuf ….
singe mir euch jetzt der ersti Fasnachtsgroove

Rede von Räffu 1. an der FUKO-Delegiertenversammlung vom  26.05.2014